ప్రకృతి లో నీవు

గండు తుమ్మెద మకరందాన్నే ఆస్వాదిస్తుంది

కోకిల మామిడి చిగుళ్ళు తినే గానం చేస్తుంది

పురివిప్పి నాట్యమాడే నెమలి కూడ

చిరుజల్లుకే స్వాగతం పలుకుతుంది

నిరంతరం నీ పేరే జపించే

నా హృదయం మాత్రం

ప్రతిక్షణం నీకోసమే అన్వేషిస్తుంది

ఎవరవు నీవు

కన్నులతో కబుర్లు చెబుతావు

చెక్కిలితో సైగలు చేస్తావు

మది లోని ఆమాటని

ఊహకందని ఆ భావాన్ని

అర్ధం చేసుకోవటానికి

ఏ భాష నేర్చుకోమాంటావు

ఏ లిపిని వాడమంటావు

ఎవరవు నీవు

ఏ కోవెల్లో దేవతవో

నను ఇలా చేరుకున్నావు

ఏ మాటల్లో మంత్రనీవో

నను మాయ చేసావు

నా తలపుల్లో వలపువై

గిలిగింతలు పెడతావు

నిన్ను చేరే సమయంలో

చంద్రికవై వెళతావు