ప్రకృతి లో నీవు

గండు తుమ్మెద మకరందాన్నే ఆస్వాదిస్తుంది

కోకిల మామిడి చిగుళ్ళు తినే గానం చేస్తుంది

పురివిప్పి నాట్యమాడే నెమలి కూడ

చిరుజల్లుకే స్వాగతం పలుకుతుంది

నిరంతరం నీ పేరే జపించే

నా హృదయం మాత్రం

ప్రతిక్షణం నీకోసమే అన్వేషిస్తుంది

ఎవరవు నీవు

కన్నులతో కబుర్లు చెబుతావు

చెక్కిలితో సైగలు చేస్తావు

మది లోని ఆమాటని

ఊహకందని ఆ భావాన్ని

అర్ధం చేసుకోవటానికి

ఏ భాష నేర్చుకోమాంటావు

ఏ లిపిని వాడమంటావు

ఎవరవు నీవు

ఏ కోవెల్లో దేవతవో

నను ఇలా చేరుకున్నావు

ఏ మాటల్లో మంత్రనీవో

నను మాయ చేసావు

నా తలపుల్లో వలపువై

గిలిగింతలు పెడతావు

నిన్ను చేరే సమయంలో

చంద్రికవై వెళతావు

ప్రేమతో

ప్రియమైన నీకు

నీ లేత అధరాల మద్య వికసించిన నవ్వులు విరజాజి పూలై నా హృదయం పై రాలాయి. నీ నవ్వులోని పరిమళాలను ఆస్వాదిస్తూ నీ రాక చూసి నా కంటి కోలను లో కన్నిటి కలువలు విరబూసాయి ఆనందబాష్పాలై.

నా స్నేహమా నిన్న నేను నీ చెంత వున్నానన్న అనుభూతి కన్నా నేడు దూరం అవుతావనే ఆలోచన నన్ను భయపెడుతుంది. నా ప్రాణామా ఉహల్లో కాకపోయిన కలలోనైనా కంపించు. నా చిన్ని హృదయాన్ని బ్రతికించు. ఆశతో ఎదురుచూస్తూ....

నీ

అప్పు

ప్రేమలేఖ

నీకు గుర్తుందా! ఓ అందమైన సాయంత్రం నిన్ను చూసాను. నీవు కూడా నన్ను చూసావు. కాని నాకింకా జ్ఞాపకం వుంది.

నీ చిరునవ్వు విచిరి నా గుండె చప్పుడు అపేసావు. ఒక్క చూపుతో నన్ను దోచుకున్నావు. అనాటి నుండి నాకు నిదురలేదు. కాని ఇప్పుడు నీకు నాకు గుప్పెడంత గుండెలో ఆకాశమంత ఏకాంతం. అయినా సరే నిన్ను మరిచేదేలా. జీవితాంతం తోడుగా నీడగా లేకపోయినా ఎప్పుడు నీ గురించే నా ఆలోచన. ఆలోచనలైనా నా తోడుగా వుండనీ. నా ఆలోచన నుండి కూడ నువ్వు దూరమైతే ఈ జీవితం ఎలా గడపాలో చెప్పు.

నా ప్రేమలేఖ

ప్రియమైన నీకు

మన పరిచయం నాకు దేవుడిచ్చిన వరం. మన స్నేహపు రోజులు ఎంతో సంతోషంగా గడిచిపోయాయి.అప్పుడు నాకు నా మనసు లోకి ఏదో చేరినట్టు అనిపించేది. నీతో స్నేహం తర్వాత నాకు రోజులు గుర్తుండేవి కావు. నీతో మాట్లాడినపుడు, నీతో గొడవ పడినపుడు చాలా సంతోషంగా వుండేది.

నేను ఏ విషయాన్ని అయీనా తేలిగ్గా తేసుకునేవాణ్ణి. నీ స్నేహం నా మనసు ని హత్తుకుని ప్రేమను పుట్టించింది. మనిషి కి మనసులో నిజమైన ప్రేమ ఒక్కసారే పుడుతుంది. ఆ ప్రేమే నాకు ఆక్షణం నుండి మొదలైంది. ఇన్ని రోజులు నీతో చెప్పలేక మనసులో దాచుకోలేక ప్రేమ అనే తియ్యని బాధ తో మూగబోయాను. నీ ప్రేమ నాకు ఎప్పటికైనా దోరుకుతుందనే నా చిన్ని ఆశతో........

నీ

అప్పు

చెలి

పిలవలేదు నిన్ను రమ్మని నా జీవితం లోకి అడగలేదు మనసిమ్మని నిన్ను నాకు. అగాధమైన నా జీవితం లో ఆశలా వచ్చావు.రెండక్షరాల ప్రేమను వెలిగించావు.

ఆనాటి నుండి నిను చూడని ప్రతిక్షణం ఒక యుగం అనిపిస్తుంది. అలాగే నిన్ను చూస్తూన్న ప్రతిక్షణం ఒక యుగం కావాలనిపిస్తుంది.నా కనులు నన్ను మరిచి నీ జాడను వెతకసాగాయి. నే మాట్లాడే ప్రతి మాట నీ గురించే. నా చేతులు రాసే ప్రతి పదం నీ గురించే.ఇన్ని చేసి ఉషొదయ సూర్యునిలా నాజీవితంలోకి వచ్చి సంద్యోదయం లా తిరిగివెళ్తావా చెలి. నీవు వెళ్ళిపోతే దేవత లేని గుడిలా నా గుండె ఒంటరిదవుతుంది. నీ రాక కోసం ఎదురూచూస్తూ.....


నీ

అప్పు

ప్రియమైన నీకు

ప్రియమైన నీకు

నిను చూచిన క్షణం నుండి నాలో ఏదో తెలియని అనూభూతి. నన్ను మంత్రముగ్దుడిని చేసిన నీ దరహసం చిందించే నీ మోము ను పదే పదే చూడాలన్నదే నా మది తపన.
ఇంతవరకు ఎరుగని ఆలోచన అలజడి ఎలాగైనా నీతో మాట్లాడాలని నిను చూసిన మరుక్షణం నాలో మొదలైంది. అనుకోకుండా జరిగిన మన పరిచయం స్నేహాంగా మారింది. నీతో మాట్లాడుతూ వుంటే ఏదో తెలియని ఉత్సాహం. నా జీవితం లో నీ స్నేహం మరిచిపోలేని ఒక మైలురాయి.
నీతో పరిచయం కలిగి ఏడాది కావస్తుంది. వెనుకకు తిరిగి చూస్తే కాలం యింత తోందరిగా అవుతూన్నదేమిటి అనిపిస్తుంది. కాని నీకు తెలియనిది ఒక్కటే. ఇప్పూడే కాదు ఎప్పటికి నీ రూపం నీ జ్ఞాపకాలు నీ స్నేహం నా మనసు లో చెరిగిపోవు. నా మదిలోని భావాలన్ని నీతో చెప్పాలనిపిస్తుంది. కాని గుండె గది లోంచి మాటలు రావటం లేదు.ప్రేమ తో నీకోసం ఎదురుచూస్తూ....

నీ

అప్పు

ప్రియమైన నీకు

ప్రియమైన నీకు



నిను చూచిన క్షణం నుండి నాలో ఏదో తెలియని అనుభూతి. నన్ను మంత్ర ముగ్దుడిని చేసిన నీ దరహసం చిందించే నీ మోము ను పదే పదే చూడాలన్నదే నా మది తపన.

ఇంతవరకు ఎరుగని ఆలోచన అలజడి ఎలాగైనా నీతో మాట్లాడాని నిను చూసిన మరుక్షణం నాలో మొదలైంది. అనుకోకుండ జరిగిన మన పరిచయం స్నేహంగా మారింది. నీతో మాట్లాడుతూవుంటే ఏదోతెలియని ఉత్సాహం. నాజీవితం లో నీ స్నేహం మరిచిపోలేని ఒక మైలురాయి.

నీతో పరిచయం కలిగి ఏడాది కావస్తుంది. వెనుకకు తిరిగి చూస్తే కాలం ఇంత తొందరగా అవుతునాదేమిటి అనిపిస్తుంది. కాని నీకు తెలియనిది ఒక్కటే.ఇప్పుడే కాదు ఎప్పటికి నీ రుపం నీ జ్ఞాపకం నీ స్నేహం నా మనసు లో చెరిగిపోవు. నా మదిలోని భావాలన్ని నీతో చెప్పాలనిపిస్తుంది. కాని గుండె గది లోంచి మాటలు రావటం లేదు. ఆర్ధం చేసుకుంటావని ఆశిస్తూ......


నీ

అప్పు

నేను

నా కళ్ళెప్పుడు తెరిచినా కనిపించేది నీ రూపమే
నా పెదవులెప్పుడు కదిలినా పలికెది నీ నామమే
ఈ హృదయాన్నెప్పుడు మీటినా మ్రోగెది నీ అనురాగ గీతమే
నా కాళ్ళు ఎలా నడిచినా చేరుకునేది నీ గమ్యమే
ఈ జీవితం ఎన్ని మలుపులు తిరిగినా చివరకు చేరుకునేది నీ సాన్నిత్యమే
ఈ బ్రతుకు ముగింపు ఎలా వున్నా ముగిసెది నీ సమక్షంలోనే

నీ అప్పు

నీ జ్ఞాపకం

నీ జ్ఞాపకాల జోలల్లోనే కంటిమీదకు కునుకోచ్చేది
నీ జ్ఞాపకాల సుప్రభాతాలతోనే సూర్యోదయాలు తెలిసోచ్చెది
నీ జ్ఞాపకాల సన్నిదిలోనే మది సంతోష సాగరమయ్యేది
నీ జ్ఞాపకాల బాహువుల్లోనే మది బందిగా మిగిలేది
నీ జ్ఞాపకాల మధురిమల్లోనే మది సరిగమలు పాడేది
నీ జ్ఞాపకాల వెన్నేల్లోనే ఎద స్నానాలు చేసేది
నీ జ్ఞాపకాల నీడల్లోనే మది సేద తేరేది
నీ జ్ఞాపకాల తోడులోనే జీవితం హయిగా సాగిపోయేది

నీ అప్పు

నీ రూపం

పసిపాపలా ముద్దోచ్చే నీ రూపాన్ని
నా కనురెప్పమాటున దాచుకున్నాను
అల్లంత దూరాన వున్నా
ఆశల కిరణమై నను
తాకుతూనే వున్నావు
నిరంతరం నిను చూడాలని
నీతో మాట్లాడాలని
నా మనసు అల్లరి చేస్తుంది

నీ అందం

గులాబీల ఎర్రదం నీ పెదాలలో దాగుంది
తుంటరి తుమ్మెద లానే నిను తాకాలని వుంది
మయురాల నడక కోకిల పాట నిండుగా నీలో వున్నాయి
మృధుమధురమైన నీ మాటలు నే వినాలని వుంది

నా మనసు

నీ పలుకు పాటై నా గుండెను మీటుతుంది
నీ పలుకు పాటై నా గుండెను మీటుతుంది
నీ నవ్వు మలయమారుతమై నను తాకుతుంది
నా మనసు మమతల పందిరై నీడనిస్తుంది
స్వఛ్చమైన నీప్రేమ నాకు వేల వసంతాల బ్రతుకునిస్తుంది

ప్రియ

గులాబీల ఎర్రదనం నీ పెదవులలో దాగుంది
తుంటరి తుమ్మెద లానే నిను తాకాలని వుంది
మయురాల నడక కోకిల పాట నిండుగా నీలో వున్నాయి
మృధు మధురమైన నీ మాటలు నే వినాలని వుంది

నీ అందం

నీ రాకలో ఎన్నో శశిరేఖలు
నీ కన్నులలో కమనీయ కాంతులు
నీ హొయల్లో మదినిండా మదురిమలు
నీ పలుకుల్లో జాలువారు తేనియలు
నీ ఒంపుల్లో నయగారా సొంపులు

నా కోరిక

నీ అందమైన చూపుల గాలానికి బందినైపోవాలని
నీ చల్లని మనసులో వెచ్చగా తల దాచుకోవాలనీ
అలసిన నేను నీ హృదయ సన్నిదిలో సేద తీరాలనీ
నీ అంతరంగ కోవెల్లో కొలువు ఏర్పరచుకొవాలనీ
నీ కనుపాపలో నేను ప్రతిబింబమై నిలిచిపోవాలనీ
నీవు పఠించే పుస్తకం లో ప్రతి అక్షరం నేనై పోవాలనీ
కుసుమ సౌరభాలై నీ మనసును అహ్లదపరచాలని వుంది

ప్రియతమ నా హృదయమా

మౌనం కరిగి పెదాల పువ్వులపై

మాటల మంచి ముత్యాలై మెరుస్తుంటే

చూపులు నిలిచి మనసనే సరస్సు లో

కలువలై కదులుతుంటే

తెలిసి తెలిసి ప్రతిసారి

నన్ను నేను పోగొట్టుకుంటాను

నీలో నన్ను వెదుక్కొవాలన్న ఆశతో

నీ అప్పు

నీ చిరునవ్వనే చిరుజల్లుతో

నా హృదయ తాపాన్ని

చల్లార్చుతావని

నిరంతరం నీ నామాన్నే

జపిస్తున్నా

ఇన్నాళ్లాకి ఈనాటికి

కలలే నిజమైన వేళ

వెలిగిందోక దీపం

అపూరూపంగా నీ రూపమై

నీ అప్పు

ప్రియతమ

ఒంటరిగా సాగే నా జీవన పయనం లో మరుమల్లెలు పూయించావు
ఎడారి లాంటి నా గమనం లో తోడుగా నిలుస్తావని దిక్కంటులేని నా గమ్యానికి దిక్కువైనావు
నీ లాలనకు మైమరచిపోయిన నా మనసు ఎగసిపడే కెరటలలో తానో కెరటమై
తుంటరి తుమ్మెదల్లో తానో తుమ్మెదై వుంది

నీ అప్పు

నా ప్రేమ

నీ భావనా విహంగానికి నా కనురెప్పలే రెక్కలన్నావు
నా ఆలోచనా తరంగానికి నా చిరునవ్వులే మువ్వలన్నావు
నీ జీవన కధనంలో పల్లవించే మాధుర్యాలే నీ పదాలన్నావు
నీ బాధల అగాధల్లో కధలడే నీడలే నా కన్నీళ్ళన్నావు
అందుకే నన్నో గీతంగా నిలిపావు అనుభవాలను కూర్చి కవితగా మలిచావు

నీ అప్పు